مەخپىيەتلىك ۋە بىخەتەرلىك

قىسقىچە خۇلاسە:

بىلىم خەزىنىسىدە كىتاب ئوقۇش ۋە ئىزدىنىش ئۈچۈن ھېسابات ئېچىش تەلەپ قىلىنمايدۇ. تور بېكىتىمىزدە ھېچقانداق ئېلان، سىتاتىستىكا (Analytics)، ئىز قوغلىغۇچ (Tracker) ۋە ئۈچىنچى تەرەپ كودلىرى يوق. شەخسىيىتىڭىز ۋە ئىزلىرىڭىز تولۇق قوغدىلىدۇ.

1. ھېساباتسىز ئىشلەتكەندە

تىزىملاتماي كىرگەن ئابونتلارنىڭ ھېچقانداق ھەرىكىتى (قايسى كىتابنى ئوقۇغانلىقى، نېمە ئىزدىگەنلىكى ۋە قانچىلىك ۋاقىت تۇرغانلىقى) ساندانغا يېزىلمايدۇ.

سىزنىڭ بەزى تەڭشەكلىرىڭىز پەقەت ئۆزىڭىزنىڭ كومپيۇتېرىدىلا (تور كۆرگۈچتە) ساقلىنىدۇ، مۇلازىمېتىرغا يوللانمايدۇ. ئۇلار:

• بەت كۆرۈنۈشى: (كۈندۈز / سېپىيا / كېچە) تاللىشىڭىز كىچىك بىر cookie غا يېزىلىدۇ. بۇ پەقەت بەت ئالماشقاندا كۆزىڭىزنى قاماشتۇرماسلىق ئۈچۈنلا ئىشلىتىلىدۇ.
• ئوقۇش تەڭشەكلىرى: خەت چوڭلۇقى، قۇر ئارىلىقى ۋە خەت نۇسخىسى قاتارلىق تاللاشلىرىڭىز تور كۆرگۈچىڭىزنىڭ localStorage قىسمىدىلا ساقلىنىدۇ.
• ئىزدەش تارىخى: ئىزدىگەن سۆزلىرىڭىزمۇ پەقەت ئۆز ئۈسكۈنىڭىزدىلا ساقلىنىدۇ. ئەگەر بۇنىمۇ خالىمىسىڭىز، ئىزدەش رامكىسىدىكى «ئىزدەش تارىخىنى ساقلىماسلىق»نى تاللىسىڭىزلا كۇپايە.

(ئەسكەرتىش: تور كۆرگۈچىڭىزنىڭ «تارىخ ۋە سانلىق مەلۇماتنى تازىلاش» ئىقتىدارى ئارقىلىق يۇقىرىقىلارنىڭ ھەممىسىنى ئۆچۈرۈۋېتەلەيسىز.)

2. ھېسابات ئاچقاندا ساقلىنىدىغان ئۇچۇرلار

ھېسابات ئېچىش — پەقەت خەتكۈچ، شەخسىي خاتىرە ۋە ئوقۇش ئىزىڭىزنى باشقا ئۈسكۈنىلەردىمۇ داۋاملاشتۇرۇش ئۈچۈنلا ئىشلىتىلىدۇ. ساقلىنىدىغان ئۇچۇرلار تۆۋەندىكىچە:

• ئېلخەت ئادرېسىڭىز ۋە شىفىرلانغان پارولىڭىز (پارولىڭىز باشقۇرغۇچىلارغىمۇ كۆرۈنمەيدۇ).
• قوشقان خەتكۈچلىرىڭىز، كىتابقا يازغان خاتىرىلىرىڭىز، ئوقۇش ئىزىڭىز.
• «خاتىرە دەپتىرىم»دىكى ماۋزۇ ۋە مەزمۇنلار.

بۇ ئۇچۇرلار پەقەت ئۆزىڭىزگىلا كۆرۈنىدۇ. ساندانىمىزدا قۇر دەرىجىلىك بىخەتەرلىك قائىدىسى (RLS) يولغا قويۇلغان بولۇپ، ھېچكىم سىزنىڭ شەخسىي خاتىرىلىرىڭىزنى ئوقۇيالمايدۇ.

كىرىش ۋە تىزىمدىن ئۆتۈش بەتلىرىدە بىر سائەت ئىچىدە ئۈچ قېتىم مەغلۇپ بولغان ئۇرۇنۇش شۇ بەتنى بىر سائەت توسىدۇ. بۇنى ھېسابلاش ئۈچۈن مەغلۇپ بولغان ئۇرۇنۇشلارنىڭ سانى ئوقۇغىلى بولمايدىغان شەكىلدە (hash) تەخمىنەن بىر كۈن ساقلىنىدۇ؛ ئۇنىڭدا ئېلخەت ئادرېسىڭىز، IP ئادرېسىڭىز ۋە پارولىڭىز يوق. بۇ ساناق ئۈچۈن، جەدۋەلنى يوللىغىنىڭىزدا تور كۆرگۈچىڭىزگە ئىختىيارىي بىر نومۇردىن باشقا ھېچنەرسە يېزىلمىغان كىچىك بىر cookie قويۇلىدۇ.

جەدۋەلگە يازغان ئېلخەت ئادرېسىڭىز ۋە ئىسمىڭىز (پارولىڭىز ئەمەس) قايتا يېزىپ ئولتۇرماسلىقىڭىز ئۈچۈن 15 مىنۇتقىچە cookie دا ساقلىنىدۇ.

3. ساندان ۋە ئۇچۇر بىخەتەرلىكى

ئاممىغا كىتاب تارقىتىش ئۈچۈن تور بېكىتىمىز بۇلۇت مۇلازىمېتىرىغا تايىنىدۇ:

• ساھىبخان: تور بېكەت Vercel دە تۇرىدۇ.
• ساندان ۋە ھۆججەت: ئابونت ئۇچۇرلىرى ۋە كىتاب مۇقاۋىلىرى Supabase دە ساقلىنىدۇ.
• ئېلخەت: ھېسابات جەزملەش خېتى ۋە پارولنى يېڭىلاش خېتى Gmail ئارقىلىق ئەۋەتىلىدۇ.

بىز ھېچقانداق تاشقى CDN ياكى ئېلان تورى ئىشلەتمەيمىز. سىزنىڭ تور كۆرگۈچىڭىز پەقەت مۇشۇ تور بېكەتنىڭ ئۆزىدىنلا رەسىم ۋە خەت نۇسخىلىرىنى ئالىدۇ. مۇلازىمېتىر خاتىرىسى (Server log) سىتاتىستىكا ئۈچۈن ئىشلىتىلمەيدۇ.

4. ئۇچۇرلىرىڭىزنى باشقۇرۇش ۋە ئۆچۈرۈش

ئەگەر ھېساباتىڭىز بولسا، «ھېساباتىم» بېتىگە كىرىپ تۆۋەندىكى ھوقۇقلارنى يۈرگۈزەلەيسىز:

• چۈشۈرۈۋېلىش: بارلىق خەتكۈچ، خاتىرە، ئوقۇش ئىزلىرىڭىزنى بىرلا JSON ھۆججىتى قىلىپ چۈشۈرۈۋالالايسىز.
• پۈتۈنلەي ئۆچۈرۈش: ھېساباتىڭىزنى ۋە ئۇنىڭغا باغلانغان بارلىق سانلىق مەلۇماتلارنى بىرلا ۋاقىتتا غايىب قىلالايسىز (بۇ مەشغۇلاتنى ئەسلىگە كەلتۈرگىلى بولمايدۇ).

5. بالىلارنىڭ تور بىخەتەرلىكى

مەزكۇر تور بېكەت ھېچكىمدىن، جۈملىدىن قۇرامىغا يەتمىگەنلەردىن شەخسىي ئۇچۇر تەلەپ قىلمايدۇ. تور بېكەتتە پۇل تۆلەش، پاراڭلىشىش ۋە ئابونتلار ئارا ئالاقە قىلىش ئىقتىدارلىرى يوق بولۇپ، بالىلارنىڭ ئوقۇشى ئۈچۈن تولۇق بىخەتەر.

6. ئالاقە ۋە باشقىلار

مەخپىيەتلىك سىياسىتىمىزدە ئۆزگىرىش بولسا، يۇقىرىدىكى يېڭىلانغان ۋاقتى بىلەن بىللە مۇشۇ بەتتە ئېلان قىلىنىدۇ. مەنبەلەر ۋە نەشر ھوقۇقى توغرىسىدا «ھەققىدە» بېتىگە قاراڭ.

سوئال، تەكلىپ ياكى مەزمۇن ئۆچۈرۈش تەلىپىڭىز بولسا بىز بىلەن ئالاقىلىشىڭ:

ئېلخەت: kelemdepter@gmail.com