جىمى ھەمدۇ سانا اللەقا خاستۇر، بىز ئۇنى داۋاملىق مەدھىيەلەيمىز، ئۇنىڭدىن ياردەم ۋە مەغپىرەت تىلەيمىز، اللەقا سىغىنىپ، نەپسىمىزنىڭ يامانلىقىدىن، ئەمەللىرىمىزنىڭ ناچارلىقىدىن پاناھ تىلەيمىز، اللە ھىدايەت قىلغان كىشىنى ئازدۇرغۇچى، ئازدۇرغان كىشىنى ھىدايەت قىلغۇچى يوقتۇر. اللەتىن باشقا ھېچ ئىلاھ يوقتۇر، ئۇ يەككە - يېگانىدۇر، ئۇنىڭ ھېچ شېرىكى يوقتۇر، مۇھەممەد ئەلەيھىسسالام ئۇ زاتنىڭ بەندىسى ۋە ئەلچىسىدۇر دەپ گۇۋاھلىق بېرىمەن. اللە مۇھەممەد ئەلەيھىسسالامغا، ئۇنىڭ ئائىلە تاۋابىئاتلىرىغا، ساھابەلىرىگە ۋە ئۇلارغا قىيامەتكە قەدەر ئىخلاس بىلەن ئەگەشكەنلەرگە رەھمەت قىلسۇن.

قولىڭىزدىكى بۇ كىتابچىنى سەپەرلەردە بىللە ئېلىپ يۈرۈشكە قولايلىق بولسۇن دەپ «قۇرئان، سۈننەتتىن ئېلىنغان دۇئا، زىكرىلەر ۋە رۇقيە بىلەن داۋالاش» دېگەن كىتابىمدىن پەقەت دۇئا، زىكرىلەر قىسمىنىلا ئالدىم ۋە بۇنىڭدا دۇئا، زىكرىلەرنىڭ تېكىستىنىلا كەلتۈردۈم ۋە ئەسلىدە بار بولغان بىر ياكى ئىككى مەنبەنى ئېيتىش بىلەن كۇپايىلەندىم. رىۋايەت قىلغان ساھابەنى بىلىشنى ياكى زىكرىلەرنى توپلىغۇچىلار ھەققىدە كۆپرەك مەلۇماتقا ئىگە بولۇشنى خالىغانلار ئەسلى كىتابقا مۇراجىئەت قىلسۇن.

اللەنىڭ ئىسىم ـ سۈپەتلىرى بىلەن بۇ كىتابچىنى خالىس اللە رىزاسى ئۈچۈن قىلىپ بېرىشىنى، ھايات ۋاقتىمدىمۇ ۋە ۋاپات بولغاندىن كېيىنمۇ بۇنىڭ بىلەن مېنى، ئۇنى ئوقۇغان ياكى باستۇرغان ياكى تارقىتىشقا ھەسسە قوشقان كىشىلەرنى مەنپەئەتدار قىلىشىنى سورايمەن. شەكسىزكى، اللە شۇنىڭ ئەھلىدۇر ۋە شۇنداق قىلىشقا قادىردۇر.

اللە پەيغەمبىرىمىز مۇھەممەد ئەلەيھىسسالامغا، ئۇنىڭ ئائىلە تاۋابىئاتلىرىغا، ساھابەلىرىگە ۋە ئۇلارغا قىيامەتكە قەدەر ئىخلاس بىلەن ئەگەشكەنلەرگە رەھمەت قىلسۇن.

ئاپتور

ھىجرىيە 1409- يىلى، سەپەر

زىكرىنىڭ پەزىلىتى توغرىسىدا

اللە تائالا مۇنداق دەيدۇ: :﴿ فَاذْكُرُونِي أَذْكُرْكُمْ وَاشْكُرُواْ لِي وَلاَ تَكْفُرُونِ ﴾[1] «مېنى (تائەت - ئىبادەت بىلەن) ياد ئېتىڭلار، (مېنى ياد ئەتسەڭلار) مەنمۇ سىلەرنى (ساۋاب بېرىش، مەغپىرەت قىلىش بىلەن) ياد ئېتىمەن. ماڭا شۈكۈر قىلىڭلار، ناشۈكۈرلۈك قىلماڭلار». ﴿ يَا أَيُّهَا الَّذِينَ آمَنُوا اذْكُرُوا اللَّهَ ذِكْراً كَثِيراً﴾[2]«ئى مۆمىنلەر! اللەنى كۆپ ياد قىلىڭلار».).﴿ وَالذَّاكِرِينَ اللَّهَ كَثِيراً وَالذَّاكِرَاتِ أَعَدَّ اللَّهُ لَهُم مَّغْفِرَةً وَأَجْراً عَظِيماً﴾[3]«اللەنى كۆپ زىكرى قىلغۇچى ئەرلەر ۋە اللەنى كۆپ زىكرى قىلغۇچى ئاياللارغا اللە مەغپىرەت ۋە كاتتا ساۋاب تەييارلىدى». (سۈرە ئەھزاب 35- ئايەت). ﴿ وَاذْكُر رَّبَّكَ فِي نَفْسِكَ تَضَرُّعاً وَخِيفَةً وَدُونَ الْجَهْرِ مِنَ الْقَوْلِ بِالْغُدُوِّ وَالآصَالِ وَلاَ تَكُن مِّنَ الْغَافِلِينَ ﴾[4]«پەرۋەردىگارىڭنى يېلىنغان ۋە ئۇنىڭدىن قورققان ھالدا ئىچىڭدە ياد ئەتكىن، ئەتىگەندە - ئاخشامدا ئۇنى پەس ئاۋازدا زىكرى قىلغىن، غاپىللاردىن بولمىغىن».

پەيغەمبەر ئەلەيھىسسالام مۇنداق دەيدۇ: " مثل الذي يذكر ربه والذي لا يذكر ربه مثل الحي والميت "[5] «رەببىنى زىكرى قىلغان كىشى بىلەن زىكرى قىلمىغان كىشىنىڭ مىسالى ھايات بىلەن ئۈلۈكنىڭ مىسالىغا ئوخشاشتۇر.» [ئىمام بۇخارى ۋە ئىمام مۇسلىم رىۋايىتى].

پەيغەمبەر ئەلەيھىسسالام: ألا أنبئكم بخير أعمالكم ،وأزكاها عند مليككم، وأرفعها في درجاتكم ، وخير لكم من إنفاق الذهب والورق ، وخير لكم من أن تلقوا عدوكم فتضربوا أعناقهم ويضربوا أعناقكم ؟" قالوا بلى .قال : "ذكر الله تعالى "[6] «ئەمەللىرىڭلارنىڭ ئەڭ ياخشىسىنى، ئىگەڭلەرنىڭ ھۇزۇرىدا ئەڭ پاك ھېسابلىنىدىغان، دەرىجەڭلەرنى ئەڭ يۇقىرى كۆتۈرىدىغان، ئالتۇن - كۆمۈش ئېھسان قىلغاندىنمۇ، دۈشمىنىڭلار بىلەن ئېلىشقاندىنمۇ سىلەر ئۈچۈن ئەڭ ياخشى بولىدىغان ئەمەلنى ئېيتىپ بېرەيمۇ؟ دەيدۇ. ئۇلار: بولىدۇ، دېگەندە پەيغەمبەر ئەلەيھىسسالام: ‹اللەنى زىكرى قىلىشتۇر› دەيدۇ.» [تىرمىزى ۋە ئىبنى ماجە رىۋايىتى].

پەيغەمبەر ئەلەيھىسسالام مۇنداق دەيدۇ: أنا عند ظن عبدي بي ، وأنا معه إذا ذكرني ، فإن ذكرني في نفسه ذكرتهُ في نفسي ، وإن ذكرني في ملأ ذكرته في ملأ خير منهم ،وإن تقرب إلى شبراً تقربت إليه ذراعاً ،وإن تقرب إلي ذراعاً تقربت إليه باعاً ، وإن أتاني يمشي أتيتهُ هرولة "[7] «اللە تائالا ئېيتىدۇكى، مەن بەندەمنىڭ ماڭا بولغان گۇمانىنىڭ يېنىدا بولىمەن، ئۇ مېنى ياد ئەتسە مەن ئۇنىڭ بىلەن بىرگە بولىمەن، ئۇ مېنى ئىچىدە ياد ئەتسە مەنمۇ ئۇنى ئىچىمدە ياد ئېتىمەن، ئۇ مېنى جامائەت ئىچىدە ياد ئەتسە مەن ئۇنى ئۇنىڭ جامائىتىدىنمۇ ياخشىراق جامائەت ئىچىدە ياد ئېتىمەن. ئۇ ماڭا بىر غېرىچ يېقىنلاشسا مەن ئۇنىڭغا بىر گەز يېقىنلىشىمەن، ئۇ ماڭا بىر گەز يېقىنلاشسا مەن ئۇنىڭغا بىر غۇلاچ يېقىنلىشىمەن، ئۇ ماڭا ماڭغان ھالدا كەلسە مەن ئۇنىڭغا يۈگۈرگەن ھالدا بارىمەن.» [ئىمام بۇخارى ۋە ئىمام مۇسلىم رىۋايىتى].

وعن عبد الله بن بسرٍ رضي الله عنهُ أن رجلاً قال : يا رسول الله إن شرائع الإسلام قد كثرت علي فأخبرني بشيءٍ أتشبث به. قال :" لا يزال لسانك رطباً من ذكر الله "[8] ھەزرىتى ئابدۇللاھ ئىبنى بۇسرىن رەزىيەللاھۇ ئەنھۇدىن مۇنداق رىۋايەت قىلىنىدۇ: بىر كىشى يا رەسۇلۇللاھ، ئىسلام شەرىئەتلىرى ماڭا ناھايىتى كۆپ بولۇپ كەتتى، مەن چىڭ ئېسىلىدىغان بىر شەيئىنى ئېيتىپ بەرگەن بولسىلا دېگەندە، پەيغەمبەر ئەلەيھىسسالام: «تىلىڭ اللەنىڭ زىكرىدىن توختاپ قالمىسۇن» دېگەن. [تىرمىزى ۋە ئىبنى ماجە رىۋايىتى].

پەيغەمبەر ئەلەيھىسسالام مۇنداق دەيدۇ: " من قرأ حرفاً من كتاب الله به حسنة ،والحسنة بعشر أمثالها ، لا أقول : {الم } حرف؛ ولكن : ألف حرف ،ولام حرف ،وميم حرف "[9] كىمكى اللەنىڭ كىتابىدىن بىر ھەرپ ئوقۇسا ئۇنىڭغا بىر ياخشىلىق بولىدۇ، بىر ياخشىلىق ئون ھەسسىگە كۆپەيتىلىدۇ، ‹ئەلىف، لام، مىم› بىر ھەرپ دېمەيمەن. لېكىن ئەلىف بىر ھەرپ، لام بىر ھەرپ، مىم بىر ھەرپتۇر.» [ئىمام تىرمىزى رىۋايىتى].

ئۇقبە ئىبنى ئامىر رەزىيەللاھۇ ئەنھۇنىڭ مۇنداق دېگەنلىكى رىۋايەت قىلىنىدۇ: خرج رسول الله صلى الله عليه وسلم ونحن في الصفة فقال :" أيكم يحب أن يغدو كل يوم إلى بطحان أو إلى العقيق فيأتي منه بناقتين كوماوين في غير إثم ولا قطيعة رحم ؟" فقلنا : يا رسول الله نحب ذلك . قال :" أفلا يغدو أحدكم إلى المسجد فيعلم ، أو يقرأ آيتين من كتاب الله عز وجل خير له من ناقتين ، وثلاث خير لهُ من ثلاث ٍ، وأربع خير لهُ من أربع ، ومن أعدادهن من الإبل"[10] «بىز مەسجىدنىڭ سۇپىسىدا ئىدۇق، پەيغەمبەر ئەلەيھىسسالام چىقىپ: ‹سىلەردىن كىم ھەر كۈنى بۇتھان ياكى ئەقىق دېگەن جايغا بېرىپ گۇناھ قىلماستىن، تۇغقانچىلىقنى ئۈزمەستىن چوڭ لوككىلىق ئىككى تۆگە ئەكىلىشنى ياخشى كۆرىدۇ؟› دېدى. يا رەسۇلۇللاھ، بىز ياخشى كۆرىمىز دېدۇق. پەيغەمبەر ئەلەيھىسسالام: ‹سىلەرنىڭ بىرىڭلار اللەنىڭ كىتابىدىن ئىككى ئايەت بىلىش ياكى ئوقۇش ئۈچۈن سەھەردە مەسچىتكە بارمامدۇ؟! بۇ ئۇنىڭ ئۈچۈن ئىككى تۆگىدىن ياخشى. ئۈچ ئايەت ئوقۇش ئۈچ تۆگىدىن، تۆت ئايەت ئوقۇش تۆت تۆگىدىن ياخشى. تۆگىلەرنىڭ سانى ئايەتلەرنىڭ سانى بويىچە بولىدۇ› دېدى.» [ئىمام مۇسلىم رىۋايىتى].

پەيغەمبەر ئەلەيھىسسالام مۇنداق دەيدۇ: " من قعد مقعداً لك يذكر الله فيه كانت عليه من الله ترة ومن اضطجع مضجعاً لم يذكر الله فيه كانت عليه من الله ترة"[11] «كىمكى بىرەر ئورۇندا اللەنى زىكرى قىلماي ئولتۇرىدىكەن، اللە تەرىپىدىن ئۇنىڭغا ھەسرەت بولىدۇ. كىمكى بىرەر ئورۇندا اللەنى زىكرى قىلماي ياتىدىكەن، اللە تەرىپىدىن ئۇنىڭغا ھەسرەت بولىدۇ.» [ئەبۇ داۋۇد رىۋايىتى].

پەيغەمبەر ئەلەيھىسسالام مۇنداق دەيدۇ: " ما جلس قوم مجلساً لم يذكروا الله فيه ، ولم يصلوا على نبيهم إلا كان عليهم ترة ، فإن شاء عذبهم وإن شاء غفر لهم "[12] . «قانداق بىر جامائەت بىرەر ئورۇندا ئولتۇرغاندا اللەنى زىكرى قىلمىسا، پەيغەمبىرىگە دۇرۇت ئېيتمىسا اللە تەرىپىدىن ئۇلارغا ھەسرەت بولىدۇ. اللە خالىسا ئۇلارنى ئازابلايدۇ، خالىسا كەچۈرۈم قىلىدۇ.» [ئىمام ترمىزى رىۋايىتى].

پەيغەمبەر ئەلەيھىسسالام مۇنداق دەيدۇ: " ما من قوم يقومون من مجلس لا يذكرون الله فيه إلا قاموا عن مثل جيفة حمار وكان لهم حسرة "[13].

«ھەر قانداق بىر جامائەت بىرەر ئورۇندا ئولتۇرۇپ، اللەنى زىكرى قىلماي قوپۇپ كېتىدىكەن، ئىشەكنىڭ تاپىدىن قوپۇپ كەتكەندەك بولىدۇ ۋە بۇ ئولتۇرۇش ئۇلارغا ھەسرەت بولىدۇ.»

ئۇيقىدىن ئويغانغاندا ئوقۇلىدىغان زىكرىلەر

۞الحَمْدُ للَّهِ الَّذِي أَحْيَانَا بَعْدَ مَا أَمَاتَنَا، وَإِلَيْهِ النُّشُورُ۞([14]).

«جىمى ھەمدۇ سانا بىزنى ۋاپات قىلغاندىن كېيىن تىرىلدۈرگەن اللەقا خاستۇر، قايتۇرۇلۇش اللەنىڭ دەرگاھىغادۇر.» [ئىمام بۇخارى ۋە ئىمام مۇسلىم رىۋايىتى].

۞لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، لهُ الْمُلْكُ وَلَهُ الحَمْدُ، وَهُوَ عَلَى كُلِّ شَيْءٍ قَدِيرٌ، سُبْحَانَ اللَّهِ،وَالحَمْدُ للَّهِ، وَلاَ إِلَهَ إِلاَّ اللَّهُ، وَاللَّهُ أَكبَرُ،

وَلاَحَوْلَ وَلاَ قُوَّةَ إِلاَّ بِاللَّهِ الْعَلِيِّ الْعَظِيمِ، رَبِّ اغْفرْ لِي۞([15]).

«اللەتىن باشقا ھېچ ئىلاھ يوقتۇر، ئۇ يەككە - يېگانىدۇر، ئۇنىڭ ھېچ شېرىكى يوقتۇر، پادىشاھلىق ۋە ھەمدۇ سانا اللەقىلا خاستۇر، اللە ھەر نەرسىگە قادىردۇر. اللە پاكتۇر، جىمى ھەمدۇ سانا اللەقا خاستۇر، اللەتىن باشقا ھېچ ئىلاھ يوقتۇر، اللە كاتتىدۇر، يۇقىرى مەرتىۋىلىك، ئۇلۇغ اللەنىڭ ياردىمىسىز ھېچقانداق كۈچ - قۇۋۋەت يوقتۇر.»

۞ الْحَمْدُ لِلَّهِ الَّذِي عَافَانِي فِي جَسَدِي، وَرَدَّ عَلَيَّ رُوحِي، وَأَذِنَ لِي بِذِكْرِهِ ۞([16]).

«جىمى ھەمدۇ سانا تېنىمنى سالامەت قىلغان، روھىمنى قايتۇرۇپ بەرگەن، ئۆزىنى زىكرى قىلىشىمغا مېنى مۇيەسسەر قىلغان اللەقا خاستۇر.» [ئىمام تىرمىزى رىۋايىتى].